Menu
Skip to contentPopular Posts
Recent Posts
Unordered List
Na’ akilamdangsak numeite (Women who made a difference)
Sermon Series by Rev. Pau D. Lian D.MIN (Ph.D Student)
Numei in nakilamdangsak hi, cihpen kenzong ka-um hi. Laisiangtho sungah Pasian zat numei tampitakom a, tuatelakpan in abanban in ensuk nuam hang. Tua numeite in, Eve, Sarah, Rebekah, Miriam, Rahab, Deborah, Naomi, Hannah, Martha, leh Mary te-ahi hi. Hih numeite min zamun mahmah ding hi tamah leng, Laisiangtho pan lakkhiatzia [interpretation] khatleh khat kibanglo ahih man in, nasim lecin phat tuamna nangah pelmawh ding hi. Eve tawh pan masa ni.
Eve Tangthu: Genesis 1-3
Eve pen akipiangsak natelakpan in numei masa, nu masa, leh zi masa ahi hi. Amah, numei/zi/nu zuihding ding role model leh etteh ding ama mai-ah midang omlo hi. Ama tungah tuaci gamtatin, numei te tuabang agamta ding hi aciding khatzong omlo hi. Ahizongin mitawh akibanglo minsiat nakhat hongngah khamawk hi. Eve pen numei masa [the first lady] hina pin kuamah in tuabang in ciamteh hetlo hi. Ahizongin hih minsiatna khat abawlkhak manin Eve pen tuni dong Leitunga omnumei telak ah aminthang vangvang ahi hi. Ama sepkhak nahangin siatna leh mawhna tunidong kigenlai ahihman in adah huai mahmah khat ahi hi.
Eve leh Adam pen anopci mahmah Eden, [paradise] ah [innocent] mawhnei lo in a nungta ahi hi. Apasal Adam tungahzong mawhlo, Adam inzong ama tungahmawh nanei lo hi. Pasian tawh [perfect fellowship] akicing mahmah kilawmtakna nei uh hi. Pasian in amaute thupha pia hi. Pasian in abawlsa nalamdang ahoihmahmah nate Adam leh Eve tungah hongpia ta hi. Amau tegel in tua nate khempeuh a ukding hong hita hi. Ahizong in tua Paradise aa na-omzia te hongkikhek mawk hi.
Satan ii vanzat, Gulpi Eve kianghongtung ta hi. Pasian in apiaksa thu, Eden Huan aa nahoihte, Pasian bawlsa nate kemding ukding cihna pan in muanmawh na Eve sung gulpi-in honglutsak zo hi. Tua munah Gulpi in Pasian kammal siksak kawm in themkhat [slightly] kammal honglaih hi. Tua mun ah Satan in Pasian limleh mel, image hongpua nuam hi. Satan in Eve tungah honggual zawhciangin tua singgah alawmpa, Adam tungah zong piasak hi. Tua, singgah apiaklaitak pen Adam leh Eve innkuan hunnopna hongbei nahi lianhi. Banghang hiam cihleh, tua nipen sihna, natna, leh nahoih lo leitungah hong tunni ahi hi. Adam leh Eve mawhnei lo aa suak himah leh mawhna honglut ciang Pasian in it laiveve hi. Pasian in amau te Eden huansungah zong hi. Piancilna 3:9 Ahih hangin Topa Pasian in mipa samin ama kiangah, “Koi lai-ah om na hi hiam? Aci hi.
Akicing[perfect] kiim lehpam [environment]
Pasian in Van leh Lei abawl khitciangin hoihhi cihi. Asunga omding ganhing leh singkung lopatezong bawlhi. Tuate lakpan in mihing abawldan pen tuamdeuh [special] in bawl hi. Pasian in Adam bawlmasa in tuaciangin Eve bawl hi.
1. Pasian in abawlsa nate-a etsim in hoih hici hi. Tuaciangin abawlsa mipa a-etciang bangci ahia?
Piancilna 2:18 Tua ciangin Topa Pasian in, “Mipa amah guak a om ding hoihlo hi. Ama-a’ ding akituak a huh ding ka bawlsak ding hi,” ci hi.
2. Pasian in Adam amahbek omhoihsa lo a, a ziding, Pasian mahmah in abawlsak hi. Piancil 2:18 [et kik], Pasian in Adam, ganhing minte aphuahna dinghun, [Eve abawlma] pia hi. [Adam in ganhing te ahopih laitak bangpau hi in na um a/na thei nuam hia?] Ganhing a kop akop in Adam in amuhciang, ahmah tawh akibatlohna lianpi mu in na um uh hia? Ganhingte akopkop [nupa] in hongpai hi cihi.
3. Ganhing mi avawh ciangin Adam in lawm akisap lam abangci phawk a? Piancilna 2:19 Tua ahihciangin Topa Pasian in gamsung ganhing khempeuh leh huihlak vasa khempeuh lei tawh bawl a, mipa in tuate bang aci hiam ci-in atheihna dingin mipa kiangah tuate apai pih hi. 20 Mipa in ganhing namte khempeuh, huihlak vasate khempeuh leh gamsung ganhing khempeuh min avawh hi. Ahih hangin mipa-a dinga akilawm, amah ahuh ding khatzong omlo hi. Adam in, Mr. Lion, Mrs Lion, Mr. Elephant, Mrs Elephat cihbangin minpia napin, Mrs Adam ding omlo hi.
4. Pasian in Adam amahleh amah akicin loh lam atheih nadingin akicing hun piahi. Bang hang Pasian in hih bang hunpia ai tam? Piancilna 2:21, “Tua ahih ciangin Topa Pasian in mipa ihmut suak mahmah sak a, ama ihmut kalin anakguhte khat la-in tua mun pen satak tawh a dimsak hi. 22. Topa Pasian in mipa’ tung panin alakkhiat nakguh pen numei khatin bawl a, mipa kiangah tuanu a paipih hi.”
Mipawlkhatin Adam luguh pan ala bang hileh Eve in kei aluguh kahih manin keicih bangbang in zui-in ciding ahihman in kiphasak khathei ding hi ci hi. Akheguh pan hileh zong Eve in keikhetawh lampaina hih manin keipai nana ah hongzui in cih khathei dinghi. Nakguhpen lungtang tawh kinaipen leh lenuai [armpit] tawhkinai ahih man in kepbit akisamphadeuh nahi sehi. Nakguh pendop dingleh kepphat deuh ding kisam cihna hi.
Adam in Eve amuh masak laitak in amaisuah namu nuam uh hia? Piancilna 2:23 Tuaciangin mipa in “Tu petpetin hihpen keima guhte leh keima sate ahi hi. Amah pen mipa sung panin akilakkhia ahih manin “Numei kici ding hi” aci hi.
Eve Pasian khutsungpan in Adam tungah ahpiak ciangin Adam in thakhatthun in thei pah lian hi. Hihpen kakisapna mun aa ding hicih pah lian hi. Adam lungdam mahmah hi. Hihpen nupate adingin etteh ding thuhoih khat hi, nazi napasal te Pasian letsong hici a lungdam mahmah ding ahi hi. Pasian in Eve pen Adam huhding [helper], akituak liandingin abawl ahi hi. Numei pawlkhatin pasalte ihuhpen ei aniamzaw hihangci hi. Hipeuh mahlo hi. Numei pawlkhat in pasal suak nuamin ahanciam hangun numei pasal asuak peuhmah leitung pianzawh numei pilpente ahizongin omnai lo hi. Upna hoihlo leh Satan in azat pasal pawlkhatin numei ka hi ci in aminkhawng laih uha ahizong a-aw pasal aw mah hiveve hi. Numei pawlkhat leuleu in pasal kahi ci-in ahizongin numei aw mah suak veve hi. Ahangpen abawlpa [Pasian] in Male [pasal] leh Female [numei] dinga abawlsa ahi hi.
A kicing [perfect] nupa:
7. Adam leh Eve pen amel hoihna uhpen genzawhloh phial in hoihding hi. Apumpi uh cidam in, thupi mahmah ding uh hi. Banghang hoihding hiam? Adam leh Eve kua tawh kibang in na-um a? Piancil 1:26 “Tua ciangin Pasian in “Eima lim, eimah hong sunin mihing bawlni. Tuipi ngasatetung, huihlak vasatetung, gahhingtetung leh leitunga a bokvakte khempeuh tungah ukna neisakni” aci hi. Ihtaksa leh ih melpuakziate Pasian tawh kibangcihna hizenzen lo a, Pasian limte lak ah ama character, intellect, emotion, will, love, feel, etc kibang hi aci hi.
Ze-etna hongbang cilut!
Gul pauthei na mungei hiam? Eden Garden a om gulpen atuamdeuh ahidia? Kenzong theituan lohing. Alunglut huaileh atheihnop huai mahmah thu-in tualai agulte pauthei ahihleh banghangin tuni agulte pautheilo hiam? Ahih hang ihthei khat om a, Satan in Gul vanzatin hongzang hicih kimu hi. Eve inzong Gul hongpauciang lamdang sakholkei leh kilawm mate? Leitung ah mawhna honglutma, ganhingte khawngzong amel hoih in ithuai mahmah leh kilawm mate? I Peter 5:8 in Evil [Dawi] nasepna bangci gen ahia? “Note pilvangin khuaphawkun. Na gal uh ahi Dawimangpa, humpinelkai bangin anektheih ding zongin vak kawikawi hi.
Nakim nakiangah nang hongbuluh nuam, nang hongbawlsia nuam om ahihleh a omzia en lecin natheithei dia? Hongthat nuam mite-a omzia in ihtheithei dia? Ahizongin Satan Eve kiangah lawm itmahmah khatbangin hongpai hi. Eve tungah alungdam mahmah nading, “Hih singgah nele uhcin Pasian tawh nakibang ding uh hi?” Eve leh Adam ading in thuhoih zawh tawh kibang hi. Ahihang half-truth [alangman] bek hi a, whole truth [aveka man] hi lo hi.
Satan in Pasian kammal aneu muhzia: Piancilna 3:1 Tu in gulpi pen, Topa Pasian bawlsa gamlak ganhing dangte khempeuh sangin ngiansiam zawhi amah in numei kiangah, “Pasian in, huansung singgah khat peuhpeuh ne loding hong ci ahi hiam? Ci hi. Uploh napen dotna tawh kipan se hi. Pasian gensa khat dong kikse uh hi.
En pakleng, Eve in Pasian gen azaksathu gulpin agenkik ahi hi. “Tua singgah nane kei ding uh hi” Pasian in ci hi. Cih akam mahmah tawh gennapin banghang gulpi gen umzaw sese hiam? Piancilna 2:16 “Topa Pasian in mipa thupia a, “Na utu tin huan sung singkung gah khempeuh na ne thei ding hi.” 17 “ahih hangin apha leh asia theihna singkung gahpen na ne kei ding hi. Banghang hiam cihleh tua na nek ni-in na si ding hi” a ci hi.”
Eve in Gulpi thu amankhit teh bangthu pianghiam?
1. Satan thugen ngai hi.
2. Satan thugen [idea] te Eve in genkhuan pia hi. [Eite tungah zong Satan idea bangpan in ihnial hiam? Ahihkei leh genkhuan ihpia hiam?]
3. Eve in Satan thugente ngahsutding kipan hi. Satan [Dawimangpa] nasep hi ihcihnak leh ngaihsut akul dia? Pasian genpen hikhin sam otaw ve aw ci hi. Kanek hang sipah sam otawti? Ci hi.
4. Eve leh Gulpi in tua singgah enkhawm uh hi. LST in Ze etna nusia un ci a, amau enkhawm liliai uh hi. 2 Tim 2:22 Mawhna tawh kigamlat theihtheih na ah omding ahi hi.
5. Eve in singgah hongla in ne beklo in Adam zong pia lailai hi. GTN: hih tuibuasak kuanai vua? Kei hilo ka nau hi. Ihmawh khakciang, kei mawhna hi ci lo in, tua nu, tuapa in tua hongci a, amahang aive kici hamtang hi. James 4:7 Tua ahihman in Pasianthu namangun. Dawimangpa thuna nialun. Nial le uh cino kiang panin taikhia ding hi.
Eve in gulpi ngawh, Adam in Eve leh Pasian ngawh hi. Adam numei nu hongpia na hih man in tua in hong khem hici hi.
Mawhna thaman
6. Thuciamthak tesungah Eve in athuak ze-etna tebang cigen ahia? 2 Corinth 11:3 “Ahizongin gulpi in ama zuau ngiantawh Eve a khemzawh bangin nalungsim uh kihei in Khrih tungah na kipiakna te-uh nanutsiat khakding uh kalung himawh hi. Satan in ngian zangin Pasian kammal Eve in a uplohna dingin khemhi. Tunidong khemna limlim pen tua ngian mahbangin hongvat lai hi.
7. Khemna lampi thumtawh honglut hi. I John 2:16 “Banghang hiam cihleh pum pideihna, mittawh mu-in ideihte le mite’ kisaktheihpih nate ahi leitung nate khempeuh pen Pa Pasian tawh akizom thu hilo a, leitung tawh akizom thu ahi hi.” Eve in nekdinga kiphallo singgah en hi. Amah in amuhciangin hoih hici hi. 1] (lust of the flesh) cilehsa lunggulhna, 2] (the lust of the eye) mitawh muhna pan lunggulhna, 3] (the pride of life) kiphatsak/hihsak na hi. Singgah neleh Pasian tawhkibang, kiliatsaknop nahi.
8. Pasian in gul, Eve, leh Adam tawh kimu uha, gulin Eve akhemlaitak Adam koi ah om ahia? Pian 3:12-17, Adam in Pasian kiangah Eve in hongpia aka ne hi ci hi. Adam in Eve singgah nekna pan khawlsak lo hi. Aman zongne ahih man in amahzong mawhnei hipah hi.
9. Adam leh Eve singgah anekkhitphetun bangci hiam? Pian 3:7-8, anekkhit phetun amautegelin khuaphawk uh a, aguaktangin a omlam uh athei uh hi. Singgah nekma in ahoihbawlding thei-in zongzuipah uh hi. Singgah anekkhit ciangun ahoihleh hoihlo theilai veve in ahizongin zuizo lo uhi. Ahoihlo thei napi in zuikha veve uh hi. Amawhna uh mihingtha tawh liahsawm uh hi. Theiteh khui-in azahmawh uh selsawm uh hi. Alungsim un nahoih bawlding thei napin akhutun bawlzo nawnlo uh hi.
10. Isaiah 64:6 in mihing dikna bangci gen ahia? “Kote khempeuh mawhnei mika hi khin uha, kagamtat hoih khempeuh uhzong puannin tawh kibanglai veve hi.”
11. Ihmawh napan bangci leng hotkhiatna ngahding? Ephesians 2:8 “Note upna hangin Pasian’ hong hehpihna tawh hotkhiatna a ngahna hi uh hi. Note thalawhna hangin angah hi loin Pasian hongpiakkhong ahi hi.” Adam leh Eve singgah anekphetun akha uhsipah hi. Tuahangin amaute Pasian tawh kikhen uh hi. Tuabek thamlo in taksa sihna zonghong tuaklai uh hi. Mawhna aneih uh hang Pasian in mawknutsiat loh in hopih nuam veve hi.
12. Pian 3:9 ah Pasianin banghih ahia? “Ahih hangin Topa Pasian in mipa sam in, “Koi lai-ah omna hi hiam” aci hi. Pasian hehpihna tuahun laipek akipan tuni ciang akibang ahi hi. Nangkiangah zong “koi lai-ah omna hiam” hong cicilai hi.
13. Pasian leh Adam leh Eve hongkimuh takciang, Eve inkua mawhsak ahia? Eve in gulpi ngawh, hi. Enzong siatna apianciang midangte kimawhsak gige hi.
Thukhupna
Eite khempeuh inzong tuabang khemna athuakciat ihi hi. Jesu nangawnzong hih bangin khemna nathuak hi. Nangzong lampi tuamtuam tawh khemna thuakna kisak leh, Jesu in Matte 4:1-11 ah honghilh mahbangin, Dawimangpa ze-etna nial in hongzawh pihdingin Pasian in hongkam ciamsa ahi hi.
Eve kiangah sinna lianpen ahihleh, mawhna tawh akigamla theithei-a omding hoihpen hi. Hihbang khemna ihthuak khakleh ihomna pankhol in ihnuntakna enni. Bang tawhkisai nanuntakna ah khemna nathuak a? Tua khemna pan taikhiatna sawm hiam? James 4:7, Pasian thumangin la, Dawimangpa nial in.
Adam leh Eve amawhkhit ciangin Pasian in akilemkik theih nading vaihawm pah hi. Bang mawhna nanei zongin Pasian in hong it hi. Eve tungpan in bangphat tuamna nangah aleh?
Theihhuai Behtangthu
About Me
Followers
Powered by Blogger.